Снегот кој паѓа во Австрија од синоќа утринава го парализираше аеродромот во Виена, така што го направи невозможен за слетувањето на авиони, а сообраќајот на земјата е отежнат, особено во источниот и јужниот дел...

Портпаролот на авиокомпанијата Острион Ерлајнс (AUA) соопшти одека летовите кон Виена отстапуваат кон аеродромите во Грац (Југоисточна Австрија) и Линц (Северна Австрија). Полетувања од аеродром Швехат се извршуваат со задоцнување од неколку часа или се укинуваат. Аеродромот во Виена и AUA советуваат патниците да се информираат за летовите преку нивните сајтови или телефон.

Во Виена синоќа се формира 15-сантиметри снежна покривка, соопшти Австрискиот метеоролошки центар (ZAMG). На места таа може да достигне до 40 см. "Формирањето на снежна покривка од 20 сантиметри за 24 часа во Виена може да се види на секои три до пет години. А покривка од 30 см се создава еднаш на 50 години", изјави претставникот на метеоролошката служба Александар Орлик.

Во Западна Австрија временските услови значително го отежнаа сообраќајот, но до хаос не дојде. Ризикот од лавина во Тирол беше зголемен на некои места на 3 според петстепената скала. Меѓу 20 и 30 сантиметри снег падна во тој реон изминатава ноќ. Снежните врнежи се очекува да се намалат од петок, а во сабота температурите најверојатно ќе паднат до минус 10 степени Целзиусови.