Аматерски трагач за злато открил златна грутка тешка дури 5,5 килограми на југот од Австралија со помош на едноставен детектор за метал...

Грутката е откриена вчера на 60 сантиметри длабочина на познатото наоѓалиште за залто во близина на градот Баларат, 110 километри од Мелбурн.

Сопственикот на продавница специјализирана за продажба на злато во Баларат, Кордел Кент го потврдил откритието.

"Многу луѓе мислат дека златните полиња во покраината Викторија се исцрпени, и дека ништо нема останато, но тој бил упорен и тврдоглавоста му се исплатила", рекол Кент, кој тврди дека пронајдената грутка е една од најголемите, кои ги видел во изминативе 20 години.

Среќниот пронаоѓач одлучил да остане анонимен, а златниот "улов" ќе се обиде да го продаде преку компанијата на Кент. Се очекува дека може да добие околу 300 000 долари.