Возењето со балон за малку завршило кобно за младенците, кои решиле судбоносното „да“ да го кажат во воздух.

Четиринаесет луѓе кои летале со балон, „завршиле“ во едно двориште во Сан Диего. Благодарение на присебноста на пилотот, тие безбедно слетале и за среќа никој не е сериозно повреден.

Младенците раскажале дека балонот влегол во турбуленции веднаш по завршувањето на церемонијата, односно веднаш штом ги размениле заветите.

„Одеднаш ветар почна да дува многу силно и се чинеше како да не ‘зароби’. Секоја чест на пилотот, кој баш се потруди безбедно да не спушти“, раскажуваше невестата.

Сопственикот на агенцијата за изнајмување на балони, им кажал дека тоа постојано се случува, но дека луѓето и понатаму се одлучуваат да се возат.