Хирурзи од болницата во германскиот град Хановер оставиле хируршки предмети во телото на еден банкар кој во 2009 година го опрерирале од рак на простатата...

Бидејќи раните од операцијата не заздравувале, банкарот во пензија, Хелмат Брет повторно бил опериран при што лекарите од утробата му извадиле игла, завои и хируршки ракавици, рекла адвокатката Анет Коринт, застапник на семејството на банкарот кој од операцијата никогаш не се оспоравили и починал минатата година.

Случајот се случил во болницата во Хановер, со која управува една организација поврзана со протестанската црква.

По смртта на банкарот (77), неговото семејство побарало отштета од болницата во вредност од 80.000 евра поради маката која покојниот ја претрпел, плус надоместок за трошоците.

Ахим Балкоф, портпарот на организацијата која управува со болницата, ги отфрлил тврдењата на Анет Коринт и изјавил дека споменатите предмети не можеле да бидат оставени во телото на пациентот.

Причината, според неговите зборови, е што болницата таква опрема воопшто не користела.

Балкоф исто така оценил дека барањето за отшета е "невообичаено високо" за ваков вид на случај.