На ранчот на покојниот крал на поп музиката наскоро, изгледа, ќе си „игра“ Лејди Гага.

На аукции изнакупува се што се нудеше, а сега ќе го купи и едно од последните засолништа на Мајкл Џексон.

Имотот Недојдија во Калифорнија, кој Мајкл Џексон го има изградено како огромен забавен парк, ни во последните години од животот не можеше да го одржува, а после неговата смрт тој имот е пуст и нем... Меѓутоа, американските медиуми пишуваат дека таму бука наскоро ќе крене контроверзната поп дива.

Документите за купопродажбата, наводно, веќе се потпишани и обновувањето само што не почнало затоа што Лејди Гага сака што поскоро да се всели на имотот кој припаѓал на нејзиниот идол. Покрај тоа, Гага е многу добра пријателка со Ла Тоја Џексон и како и сестрата на Мајкл и таа сака на ранчот Недојдија да му го врати сјајот кој го имаше во почетокот на деведесетите.

Мајкл ранчот го купи во 1988 година и на него изгради зоолошка градина, забавен пакр, пруга која ги поврзува сите делови на имотот од 12 хектари. Меѓутоа, во 2008 година Мајкл поради финансиски проблеми мораше да ја продаде својата Недојдија, но неговите тир деца и мајката и понатаму имаат дел од сопствеништвото.

За сега не е познато со кого Гага го договорила купувањето и колку ќе го плати имотот на кој Мајкл ги создаде некои од своите најголеми хитови.