Чистачка украла воз и со него се забила во семејната куќа. Вистинско чудо е што никој не настрадал, затоа што ударот бил навистина силен...

Инцидентот се случил во Стокхолм во Шведска, нешто пред 3 часот наутро, покрај мостот Dalarö, а чистачката, за која шведскиот "The Local" пишува дека е на возраст меѓу 20 и 30 години, е префрлена во болница со помош  на хеликоптер.

Според пишувањата во куќата, во која со цела сила чистачката го забила возот, се наоѓале пет луѓе од три различни семејства и сите биле во длабок сон. Локомотивата удрила во куќата а предизвиканата штета е огромна.

Гласноговорникот од компанијата "Arriva", Томас Хеденис, која управува со линијата по која се движел локалниот воз, истакнал дека возот е украден. "Го украла чистачка од за сега непознати причини. Таа е обична чистачка, некако успеала да влезе во кабината и да украде еден од возовите. Истражуваме како можело тоа да се случи", рекол тој.