Мал Италијанец, украл автомобил од брачниот пар кој го посвоил и се возел 800 километри по Европа.

Момче (13) многу сакал да ја види земјата во која се родил, па го „позајмил“ мерцедесот од својот татко се до Полска во која живеат неговите биолошки родители.

Тој тргнал од еден мал град по име Педероба, во северна Италија со 200 евра во џебот и се возел речиси 24 часа, додека не го запрела германската полиција, некаде кај Лајпциг.

„Неговите биолошки родители живеат во Полска и се чини дека тој сакал да ја запознае сестрата за која случајно дознал“, пишувало во соопштението на италијанската полиција.

Италијанските медиуми пишувале дека детето пред патот се скарало со жената која го посвоила.

„Момчето им кажало на родителите дека му е жал што го направил тоа“, пишувало во полицискиот извештај. После тоа се вратил дома во Педероба.