Властите во Флорида уапсиле маж под обвинување дека ја мавал со портокали својата девојка додека пеела караоке.

Соседите повикале полиција околу 2 часот по полноќ, затоа што вознемирена девојка им дошла на вратата.

Хаи Тан Ниген (46) се разбеснил на забава додека неговата девојка пеела. Кога завршила со песната, неколку мажи почнале да флертуваат со неа.

Тогаш Ниген, веројатно поради љубомора, почнал да ја навредува дека не знае да пее и дека „косата му се крева на главата“ од нејзиниот глас.

Потоа почнал да ја мава со портокали, па ја погодил неколку пати во лицето и главата. Ниген ја порекнал нејзината изјава дека ја гаѓал со портокали и и објаснил на полицијата дека се скарале, затоа што таа се однесувала непримерно на забавата.