Двајца британски хакери осудени се на 100 часа социјално корисна работа поради кражба на необјавени песни од Мајкл Џексон од дискографската куќа Sony Music Entertainment.
Џејмс Маркс (27) и Џејмс Мекормик (26) со помош на домашните компјутери упаднале во серверите на компанијата и украле материјал кој се однесувал на Мајкл Џексон.
Британската Агенција за тежок организиран криминал наведува дека тие двајцата преземале речиси 8.000 фајлови.
Маркс и Мекормик, кои планирале да продадат дел од фајловите, уапсени се во мај 2011 година откако компанијата Sony го пријавила случајот на агенцијата.
