Мексиканец во јужната држава Оаксака на својот седумгодишен внук му ги врзал нозете и го држел затворен во дрвена кутија, соопштија обвинителите.

Откако добила анонимни повици, полицијата го пронашла момчето во кутијата, која била обвиткана со железен ланец и заклучена со катанец, во градот Путла Де Гереро.

Соседите и кажале на полицијата дека дедото постојано го врзувал внукот од непознати причини, наведел локалниот обвинител Виктор Алонсо Алтамирано, додавајќи дека не се знае колку долго момчето било затворено во кутијата.

Дедото на момчето се соочува со обвинувања за семејно насилство, додека детето е ставено под надзор на социјална установа додека не се утврди кој би требало да преземе грижа за него.