Млада жена од 20 години, веќе е мајка на три деца, а роди уште шест бебиња во Мичоакан, држава во западниот дел на Мексико, соопшти официјален извор во петокот, додавајќи дека мајката и децата се во добра здравствена состојба...

"Децата се родени во четврток и се во одлична здравствена состојба, исто како и нивната мајка Салуд Ромеро", изјавила за АФП Патриша Мора, сопругата на гувернерот на Мичоакан и почесен претседател на организацијата "Систем за интегрален развој и семејството".

Пред раѓањето "младата жена дојде кај нас да бара помош за пелени и млеко, а потоа изјави дека ќе биде мајка на шест бебиња", четири девојчиња и две момчиња, рече Патриша Мора.

Иако организацијата и обезбедила пакети со пелени, влажни марамчиња, бебешки сапун и лекови, претседателот на организацијата апелира кон приватните организации и институции, за донации за детски креватчиња, облека и други предмети за бебиња.

Салуд Ромеро е домаќинка а сопругот Јошио Салинас е градежен работник. Тие пред тоа веќе беа родители на две девојчиња и едно момче.