Швајцарскиот суд ослободил еден селанец и неговото семејство од годишната обврска за плаќање на долг на католичката црква преземен во далечната 1357 година.

Според одлуката на судот на североисточниот кантон Гларус, тој селанец и неговото семејство повеќе нема да мораат да плаќаат 70 швајцарски франкови (58 евра) годишно за кандилото во црвката Наефелс постојано да гори.

Таа обврска настанала во 1357 година кога извесен Конрад Милер убил еден свој сограѓанин по име Хајнрих Стуки.

За да ја спаси душата и да избегне одмазда од семејството на убиениот, Милер на локалната црква и подарил кандило со ветување дека „засекогаш“ ќе го финансира неговото одржување.

Доколку го прекршел ветувањето, целата негова земја би преминала во сопственост на црквата.

Низ вековите, наследниците на Милер продолжувале да плаќаат за одржување на кандилото, но кога црквата побарала обврската официјално да се продолжи, актуелниот сопственик на земјата се побунил.

Црквата го тужела на судот, меѓутоа, на 20 декември судот пресудил во корист на селанецот, наведувајќи дека тоа право од 14 век престанало да важи уште од средината на 19 век.