Бебето на војводата и војвотката на Кембриџ ќе носи титулата принцеза, ако е девојка, одлучи британската кралица Елизабета II...

Принцот Вилијам и Кетрин го очекуваат своето прво дете и бабата на војводата кралицата Елизабета II објави дека ако двајцата имаат ќерка, таа ќе ја удостои со титулата принцеза. Одлуката беше објавена преку порака во Службен весник.

"Кралицата е среќна ... да објави дека сите деца на најголемиот син на принцот од Велс треба со стил да ги користат титулата и атрибутите на кралското височество со достоинство на принц или принцеза, поставена пред нивните христијански имиња или други слични почесни титули", се вели во пораката.

Врз основа на претходните правила само првородениот син на Вилијам и Кетрин автоматски ќе стане принц, а ќерката ќе се вика Лејди. Ако Кејт, за која се смета дека е во 12-та недела од бременоста, роди близнаци или втор син подоцна, тој ќе се вика син на војводата и нема да биде кралско височество, туку ќе ја има титулата лорд.