Апелациониот суд во Камерун пред некој ден ја поништи пресудата со која двајца мажи се осудени на по пед години затвор затоа што „изгледале како хомосексуалци“ и нарачале ликер Baileys Irish Cream.

Судот наложил мажите да бидат пуштени од затвор во кој поминале повеќе од година дена, со малтертирање на чуварите и другите затвореници.

Борците за човечки права побарале од претседателот на Камерун, Пол Вије да наложи пуштање на слобода на сите личности осудени на основа на строгите закони вперени против хомосексуалците.

Пред три недели камерунскиот суд ја потврди петгодишната затворска казна за Роже Жан Клод Мбеди, изречена поради праќање на порака „те сакам“ на маж.