Шест годишниот Ryle Smith не можел да пронајде подобри пријатели кога во сабота попладне се изгубил во шумата...

Имено, малиот Ryle одлучил да ги следи своите две кучиња Baxter и Bellа при што заедно со нив залутало во длабоката шума. Како што изминувало времето и почнал да паѓа мрак, имало се помалку шанси да го пронајде патот кон дома.

Неговите родители забележале дека го нема и со помош на локалните жители, полицијата и пожарникарите започнале потрага која траела повеќе од пет часа, а особено стравувале од тоа момчето да не замрзне бидејќи температурите биле под нулата.

Меѓутоа, кога го пронашле Ryle, сфатиле дека за неговата сигурност се погрижиле верните кучиња кои го прекриле со своите тела и го грееле.

"Не бев исплашен, но ми беше ладно. Bellа ме чуваше, а Baxter цело време ме топлеше", рекол малиот Ryle.

"Биле неверојатни. Го чувале и ни за миг не го напуштиле. Од куче навистина не може да барате повеќе од тоа", рекол таткото на момчето, Ryan Smith.