Поранешниот секс симбол се заканува дека ќе тргне по стапките на Жерар Депардје.

Актерката Брижит Бардо се заканила дека и таа ќе го фати патот за Русија доколку француските власти не ја понишат одлуката за еваназација на два циркуски слонови кои моментално се наоѓаат во зоолошката градина во Лион.

„Многу сум сериозна. Се заситив и не можам повеќе да бидам во оваа држава... Ако властите кукавички и бесрамно убиваат слонови и јас ќе земам руско државјанство и ќе ја напуштам змејата која не е ништо друго освен гробишта за животни“, кратко соопшти Брижит и додаде дека наскоро планира да го посети рускиот претседател Владимир Путин.

Актерката вели дека нејзиниот колега Жерар Депардје, кој се откажал од француското доржавјанство поради воведувањето на висок данок за богаташи, е жртва на нефер прогон.

Иако медиумите минатата недела пишуваа дека и музичарот Жан Мишел Жар поради превисоките даноци планира својата работа да ја пресели во Велика Британија, тој кажа дека неговите работни планови немаат никаква врска со даночната политика на Франција.