Министерството за надворешни работи на Хондурас формирало комисија која треба да го испита случајот на телохранителот на амбасадорот Карлос Родригез Андин, кој наводно во зградата за работа, организирал божиќна прослава со проститутки.

Амбасадорот на Хондурас, откако тоа го побарало Министерството за надворешни работи на Хондурас, поднел оставка од таа фукција.

Како што наведуваат медиумите во Хондурас, телохранителот на амбасадорот и близок пријател на Хорге Мендоза, на 20 декември организирал божиќна прослава која, бидејќи на неа повикал проститутки, се претворила во оргија.

Проститутките на забавата украле компјутери и мобилни телефони и сопствеништво на амбасадата.

Колумбијската полиција спровела истрага за инцидентот.

Американската тајна служба беше вмешана во сличен скандал поврзан со проститутки, минатиот април во колумбијскиот град Картагени, каде што претседателот на САД Барак Обама учествуваше на Самитот на двете Америки.

Најмалку 20 агенти на тајната служба и воениот персонал, чија задача била да ја обезбедуваат посетата на Обама, се пратени дома, а деветмина подоцна ја напуштија службата.