Меморијалниот центар Аушвиц-Биркенау минатата година го посетиле рекордни 1,43 милиони посетители, најмногу во 65 години долгата историја на местото за сеќавање на жртвите од холокаустот.
Во изминатите неколку години, местото на некогашниот логор на смрт од Втората светска воја, во кое се погубени 1,1 милион луѓе, бележи рекордни посети.
Така меморијалниот центар во 2011 година го посетиле 1,4 милиони посетители.
Најмногу посетители за време на 2012 година биле од Полска (446.000), а големи групи доаѓале и од Велика Британија, САД, Италија, Германија и Израел.
Голем пораст на посети се бележи по 2004 година, кога Полска стана член на Европската унија, што охрабри многумина во Европа да ја посетат оваа земја и меморијалниот центар Аушвиц-Биркенау.
