Во местото Lhokseumawe во индонезиската провинција Aceh, исламските власти имаат во план на жените да им забранат да седат со раширени нозе зад мажите додека се возат на мотор...
Индонезија е доминантно муслиманска земја, но провинцијата Aceh е единствена која го следи шеријатскиот закон, пренесува BBC.
"Кога ќе видите жена како седи така 'раширено', таа изгледа како маж. Но кога ќе седи со нозете на страна, ќе изгледа како жена. Исто така, патниците кои седат со нозете на страна ретко паѓаат од моторот", изјавил Суаиди Јахја, градоначалник на Lhokseumawe.
Јахја додал дека целта на планираната забрана е "спас на народниот морал и однесување". Локалните власти забраната ќе ја разгледат за месец дена, а потоа веројатно ќе ја преточат во гратскиот правилник.
