Две тинејџерки во Калифорнија се приведени поради сомнеж дека на родителите на една од нив им ставиле лекови за спиење во милкшејк, за да можат да користат интернет.

Родителите ја повикале полицијата во градот Роклин, која нивната петнаесетгодишна ќерка и нејзината шестнаесетгодишна пријателка ги одвеле во малолетнички притворнички центар.

Локалниот весник Sacramento B објавил дека девојките купиле милкшејк во еден ресторан за брза храна, го помешале со лекови и им го дале на родителите кои потоа заспале.

Сомничавите родители направиле тест следниот ден со кој е утврдено присуство на лекови за смирување.

Тинејџерките на истражителите им рекле дека тоа го сториле за да користат интернет, кој родителите го исклучувале секоја вечер во 22:00 часот.