Фанцускиот министер за внатрешни работи Мануел Вал изјавил денеска дека за време на новогодишната ноќ ширум земјата се запалени 1.193 возила, што станала своевидна традиција на младите.

Ова е прв пат во изминатите три години да е објавено слично соопштение.

Конзервативната влада на поранешниот француски претседател Никола Саркози донела одлука да не објавува слични податоци во настојување да го намали нивниот број и „да не им дава идеи на младите кои меѓу себе се натпреваруваат кој ќе запали повеќе автомобили“.

Сегашната француска влада донела поинаква одлука затоа што смета дека целосната транспарентност е најдобар метод.

Според последните објавени податоци, ноќта на 31 декември се запалени 1.147 возила.

Како и во многу земји, и во Франција во текот на годината доаѓа до палење на возила, вклучувајќи и намери на банди да скријат трагови на злосторства и поединечно лажно барање на осигурување.

Меѓутоа, палењето на автомобили во Франција претставува нов начин на обележување на доаѓањето на Новата година. Оваа појава, според поединечни извештаи, започнала во деведесетите години на минатиот век во посиромашните населби во регионите околу Стразбур и на исток од Франција.