Тони Толберт, 51-годишен адвокат од Лос Анџелес со еден гест успеа да го подобри имиџот на својата струка, откако на семејство бездомници им го подарил својот дом на користење за година дена а тој за тоа време се отселил кај родителите...
На овој чин го потикнал нековиот татко кој едната спална соба која била вишок, а се наоѓала во неговиот работен дом, редовно ја давал на користење на оние на кои им била потребна.
"Не мора да бидете богат како Бил Гејтс или Опра. Сите можеме да помогнеме во граници на своите можности, а јас во сплет на околности имам дом кој на кратко можам да го направам достапен за другите", рекол адвокатот.
Толберт своите станари никогаш не ги познавал, а ги пронашол со помош на засолништето за жени и деца "Alexandria House". Фелисиа Дакс, мајка на четири деца, не можела да поверува што и се случува.
"Ни рекоа дека некој сака да ни подари целосно опремена куќа на година дена. Да ни помогне додека ни се стабилизира ситуацијата. Само гледав и не можев да поверувам", рекла Фелисиа која била навистина погодена од овој гест.
