Додека сите други го прославуваа почетокот на 2013 година, стара Французинка се најде во замката на заклучен супермаркет, објавиле локалните власти...

73-годишната жена ја дочекала новата година во трговски објект во северниот град Рубен. До инцидентот дошло, откако жената морала да го користи тоалетот, а за тоа време вработените го затвориле објектот и ги заклучиле вратите, објасниле пожарникарите.

Таа го активирала алармот постојано, но никој не реагирал на сигналот. Жената била откриена дури наутро околу 10:30 часот.

И покрај искушението, жената не ја искористила ситуацијата и не посегнала по храната и пијалоците во продавницата. Таа ја поминала ноќта, без да отспие и без да јаде.