Париз можеби ќе ја изгуби титулата "Градот на светлината", бидејќи властите планираат од следната година да го гасат уличното осветлување ноќе, за да заштедат пари...

Францускиот претседател Франсоа Оланд и министерката за енергетика Делфина Бато размислуваат за исклучување на светлата пред јавните згради, деловни објекти и продавници во раните утрински часови.

Сите оние што од било кои причини мораат надвор во "ситните часови" ќе си осветлуваат со носење на ламби со батерии. Правилото исто така ќе се примени и во другите француски градови и села. Бато вели дека со оваа мерка ќе се заштедат пари и енергија и ќе покажат "трезвеност" на владата во тешките времиња.

Новото правило ќе започне во јули и тогаш помеѓу еден и шест часот наутро ќе бидат исклучени сите неонски светла во приватните фирми. Меѓута, сопствениците на продавници сметаат дека таквата мерка ќе ги избрка туристите.

"Посетителите и локалното население се ориентираат според светлосните реклами. Моите клиенти не сакаат да бидат во мрак во "Градот на светлината"", вели Дидијер Квемен, француски кувар.

Франција ја посетиле повеќе од 81 милион туристи во 2011 година а во туристичката индустрија се вработени околу 900 000 луѓе.

Планот веќе се применува во повеќе од 300 цркви во градот, мостови и споменици вклучувајќи ја и Ајфеловата кула.