Најмалку 33 луѓе, во главно зависници од наркотици, умреле во провинцијата Гујранвал, Пакистан, по испивање на сируп против кашлање чиј состав се испитува за да се утврди дали станува збор за прекуумерено конзумирање или проблемот е во самиот лек.

Зависникот на владата Абдул Џабар Шахин им кажал на новинарите дека на болничко лекување се примени 54 пациенти кои, како што се верува, земале сируп, а станува збор во главно за зависници од наркотици.

Шахин кажал дека во хемиските примероци земени од стомакот на починатите се наоѓа декстрометорфан, синтетички дериват на морфиум кој се користи во сируп против кашлање и може да има халуциногено влијание ако се конзумира во поголема количина.

Моментално се истражува дали на луѓето на кои им се слошило по конзумирањето на сирупот само земале прекуумерена доза, или проблемот е во самиот негов состав, истакнал Шахин.

Декстрометорфанот, доколку се користи за постигнување на халуциногени доживувања, во комбинација со поединечни други лекови, може да предизвикува т.н. серотонински синдром, кој може да има смртен исход поради прекуумерената концентрација на серотонин во телото.

Главниот лекар, Анвар Аман во болницата во која пациентите се сместени порано изјавил дека поголемиот број од починатите се зависници од наркотици на старост меѓу 20 и 40 години.

Минатиот месец во градот Лахор од истиот сируп против кашлање умреле 16 личности.