Околу 700 работници на плантажа за чај на североисток од индијската држава Асам, го усмртиле сопственикот на плантажата и неговата сопруга, откако претходно ја опколила неговата куќа наоружани со лакови и стрели и ја запалиле.

Полицијата ги пронашла јагленосаните тела на брачниот пар во остатоците на запалената куќа во оддалечениот реон Тинсуки.

Последните неколку месеци плантажата западнала во проблеми, а некои работници се суспендирани пред неколку недели.

Истрагата е во тек, а за сега никој не е уапсен, соопштила локалната полиција. Повеќе од половина од индијското производство на чај доаѓа од над 1.000 плантажи во Асам.