Претседателот на Русија, Владимир Путин, денеска изјави дека ќе потпише закон со кој на Американците ќе им забрани да посвојуваат руски деца.

За изминатите две децении Американците посвоиле повеќе од 600.000 деца од Русија.

Фондот на Обединетите нации за деца проценува дека во Русија постојат 740.000 деца без старатели, додека само 18.000 Руси чекаат на посвојување на деца.

Многу Руси оцениле дека со законот за забрана на посвојување во САД се казнуваат руските сирачиња, затоа што ја губат можноста да добијат семејство.

„Не гледам причина за да не го потпишам законот“, кажа Путин.

Путин изјави дека американските власти го оневозможуваат пристапот на посвоените деца од Русија и не ги казнуваат Американците за насилство над руските деца.

Новиот руски закон претставува дел од одгворот на Москва на американскиот закон кој бара казнување на Русите, одговорни за кршење на човечки права.