Приватниот детектив од Холивуд, Paul Huebl, тврди дека поседува "видео докази" дека Витни Хустон е убиена...

Huebl за "National Enquirer" раскажал дека открил докази "кои укажуваат на тоа дека Витни била жртва на високо позиционирани дилери на дрога кои своите насилници ги пратиле од неа да наплатат голем долг кој таа го направила кај нив".

Снимката од безбедносните камери наводно покажува двајца неидентификувани мажи кои во повеќе наврати се појавуваат во хотелот "Beverly Hilton", каде престојуваше Витни кога умре, и како се дружат со нејзината придружба.

Ден пред смртта пејачката примила пратка со кокаин, а подоцна е забележано дека кажала: "Доста ми е од овие го*мна". Huebl тврди дека тоа било одговорот на константното малтретирање на насилниците кои и "дишале во врат" поради долгот кој достигнал 1,5 милиони долари.

11 февруари 2011 година, на денот на нејзината смрт, останала сама во хотелската соба 45 минути, а Huebl тврди дека во тој период убиецот (или убијците) дејствувале и дека тој има снимка која го докажува тоа.

По нејзината смрт беше констатирано дека пејачата починала од давење во када по конзумација на дрога, и беше исклучена било каква можност за насилна смрт. Но, сепак, Huebl тврди дека во извештај од мртовечницата стоело дека Хјустон на себе имала "класични повреди кои би се случиле доколку се борела за живот", и дека во собата се најдени "траги од борба".