Во Народна Република Кина денес, на роденденот на покојниот лидер Мао Цетунг, е пуштена во сообраќај најдолагата линија на супербрзата пруга во светот, која ќе ги поврзува Пекинг и Гуангџоу кој се наоѓа на јжниот дел од земјата...

Супербрзиот воз тргна утрово во 9:00 часот по локално време од Пекинг за Гуангџоу, а уште еден воз тргна во спровна насока еден час подоцна, пренесе агенцијата АР.

Така линијата долга 2.298 км, чии некои делови порано беа во функција, сега во целост ќе функционира, а патот од Пекинг до економскиот центар на јужниот дел од земјата ќе биде преполовен благодарение на возот кој оди 300 км/ч, така што патувањето ќе трае околу 8 часа.

Проектирана за максимална брзина од 350км/ч, пругата ќе има 35 станици во поголемите градови.

Според податоците на Министерството за железнички сообраќај, брзата пруга ќе го зголеми товарниот сообраќај меѓу Пекинг и Вухан за 20 милиони тони.