Судот ја поддржал одлуката на забарот да ја отпушти асистенката затоа што „нејзиниот изглед го деконцентрира од работата“.

Забарот Џејмс Најт од Ајова ја отпуштил својата забна техничарка Мелиса Нелсон затоа што е преубава.

Да нема забуна, меѓу забарот и неговата асистентка ништо не се случило, но Најт чувствувал дека нејзиниот изглед претставува „сметање и искушение“ за време на секојдневната работа, и откако се посоветувал со својот свештеник, одлучил да ја отпушти.

Нелсон, среќно омажена мајка на две деца, го тужела на судот поради неоснован прекин на работниот однос, но изгубила на судот.

Врховниот суд во Ајова, составен од седум мажи, пресудил во негова корист и потврдил дека убавото лице и затегнатото тело на Нелсон е преголема деконцентрација од работата.

„Шефот смее да го отпушти работникот доколку чувствува дека неговиот изглед е искушение или пречка, дури и ако тој работник нема направено ништо погрешно, свесно или несвесно“, стои во одлуката на судот.

Нелсон за CNN кажала дека одлуката е „длабоко неправедна“, но сега веќе не може да прави ништо освен да побара друга работа.