Русин платил 30 илјади долари, за да објави некролог на цела страница на својата омилена мачка во италијанскиот весник "Corriere della Sera"...

Од весникот одбиваат да го откријат името на клиентот. Објавениот некролог претставува голема фотографија на неговата сакана мачка Ерос, придружена со стих од песната на италијанскиот пејач Фабрицио де Андре: "И како секоја најубава роза, ти само ден живееше".

Некрологот однесе многу критики. Италијанците се револтирани од фактот дека во услови на криза некој богаташ, и тоа странец, си дозволува да потроши толку пари за некролог на својот домашен љубимец - во момент кога сите во Италија се принудени да ги стегаат ремените.

Од "Corriere della Sera" остануваат неми. Кризата си е криза, а токму поради тоа што е криза, 30 илјади долари се 30 илјади долари. Платената сума за некрологот всушност не е официјално обелоденета. Таа e пресметана од експерти врз основа на рекламната тарифа на квадратни сантиметри на весникот.