Актерката стана мајка, откако таа и нејзиниот сопруг добија синче.

Клер Дејнс (33) се породила во среда навечер, и на светот донесе момче кое го доби името Сајрус.

Актерката пред три години се венча со Хју Денси, британски актер познат по улогите во филмовите „Купохоличарка“, „Крал Артур“ и други.

Дејнс ја паметиме како Анџела од серијата „Мојот таканаречен живот“, Јулија од модерната верзија на „Ромео и Јулија“, Ивејн од „Ѕвездена прашина“, а моментално игра агент на CIA во серијата Homeland, и за таа улога е наградена со Еми во септември оваа година.