Сопственикот и извршниот директор на Facebook, Марк Зукерберг соопшти дека ќе поклони речиси 500 милиони долари на хуманитарната организација за финансирање на здравствени и образовни проекти.

Зукерберг на Фондацијата на заедницата Силициумска долина во вторникот и подари 18 милиони акции од Facebook, чија вредност тогаш била 498,8 милиони долари.

Тоа е најголемиот подарок од Зукерберг досега. Тој во 2010 година им поклони акции од Facebook во вредност од 100 милиони долари на државни училишта во Њуарк, Њу Џерси.

Подоа им се придружи на милијардерите Бил Гејтс и Ворен Бафет во нивните напори да ги убедат најбогатите луѓе во САД да подарат поголем дел од своето богатство.

Зукерберг на својата страница на Facebook рече дека е горд на досегашната работа на фондацијата покрената со негова донација и дека ќе види на кои области од образованието и здравството ќе се сосредоточи.