Полицијата во Лондон започнува нова истрага за точната причина за смртта на пејачката.

Ејми Вајнхаус умре во јули минатата година, а на посмртницата е наведено дека причина за смртта е тровање со алкохол. Нејзиниот организам бил исклучително ослабнат поради користењето на дроги и одвикнувањето од алкохолот, па поголемата количина на алкохол предизвикала смрт.

Властите започнуваат нова истрага за точната причина, затоа што е утврдено дека медицинската истражителката која ја надгледувала аутопсијата нема одговарачки квалификации за воопшто да биде на таа позиција.

Главниот истражувач д-р Ендру Рид пред три години на позицијата истражителка ја поставил својата сопруга Сузен Гринавеј, за која е утврдено дека не е квалификувана да биде на таа позиција. На Гринавеј, која во Австралија работела како адвокат, и фалеле задолжителните пет години искуство на позицијата истражувач.

Рид дал оставка поради овој скандал, а истрагата е повторно отворена.