Поради обвинувањето дека ја предал татковината затоа што се преселил во Белгија за да го избегне плаќањето данок во Франција, актерот соопшти дека се одрекува од државајнството стекнато со раѓање и пасошот.

Актеот Жерар Депардје (63) во отворено писмо упатено до премиерот на Франција Жан-Марко Еро, кој одлуката на актерот ја нарече патетична, вели дека не бара неговиот потег да се одобри, но смета дека француските власти сепак би можеле да му искажат почит.

„Кои сте вие да ме навредувате на тој начин. Се плаќав уредно и ова е моја одлука на која имам право.“

Актерот вели и дека никој кој до сега ја напуштил Франција не бил толку навреден како тој, па поради тоа одлучил да го продаде имотот вреден околу 65 милиони долари кој го поседува во Франција.

Славниот актер е само уште еден во низата Французи кои на овој потег се одлучија откако тамошната социјалистичка влада одлучи да им стави 75% данок на сите граѓани чии приходи ја надминуваат сумата од милион евра.