Според штотуку објавените резултати од пописот на жителите од 2011 година, точно 6.242 жители на Велика Британија како религиска припадност напишале „хеви метал“, додека бројот на „џедаи“ е речиси преполовен.
На пописот на жителите од 2001 година, околу 400.000 Биртанци и Британки се изјасниле како популарните „џедаи“ од филмскиот серијал „Војна на ѕвездите“, но за десет година бројот на „верници“ паднал на нешто повеќе од 170.000. Меѓутоа, оваа година се појавила нова религија - хеви метал.
Покрај тоа, 1.893 личности се изјасниле како станисти додека дури 14 милиони луѓе кажале дека не припаѓаат на ниту една верска група или организација.
