Загрижени од црвенилото и отокот кој се појавил на лицето на нивното бебе, родителите на малата Миа Витингтон преживеале шок, откако лекарите од отокот извадиле...пердув...

"Тие извадија пердув од лицето на моето дете. Тоа е лудо, нели?" Се чудел Арон - таткото на 7-месечното бебе, пред камерите на локалната телевизија CBS.

Ема, мајката на детето, ја одвела ќерка си во саботата во болница во одделот за итни интервенции. Пред тоа таа забележала оток со големина на топче за голф на лицето, во пределот на вилицата, соопшти телевизијата.

Лекарите, мислејќи дека станува збор за лимфен јазол, ги пратиле мајката со детето назад дома. Наредниот ден, појавата на чуден врв на отокот кренал тревога кај родителите и тие отишле во друга болница во Вичита.

Таму лекарите забележале дека станува збор за мал пердув што е на пат да излезе низ лицето на бебето. Хирург веднаш превземал мерки и го извадил пердувот од лицето на малото девојче.

Според Арон Витингтон лекарите мислат дека Еми го голтнала пердувот кој заглавил во грлото и влегол под кожата. Организмот има направено се што е можно да го исфрли, но тоа веројатно траело со месеци.

Сега малата Еми е во добра здравствена состојба.