Една жителка од Мијанмар се одлучила на крајно бизарен потег. Таа, имено, дои две новороденчиња кои нивната мајка тигрица ги отфрлила...

Две младенчиња, мажјак и женка, се одвоени од мајката од зоолошката градина Yangon во Мијанмар, откако тигрицата го убила своето трето новороденче. Сега се хранат од шише, но и со млекото од 40-годишната Хла Хтај, четири пати дневно.

Хла е инаку сопруга на еден од вработените во зоолошката градина, а кажала дека и било жал за отфрлените животни и им ја понудила својата помош, барем додека да им излезат првите заби. Тоа не би требало да трае долго, затоа што забите на тигрите им растат веќе неколку недели по раѓањето.

Меѓутоа стручњаците предупредуваат дека ваквиот чин на животните, всушност, и не им е од некаква помош. "Млекото многу се разликува од вид до вид", рекол Валтер Харли, професор на Универзитетот во Illinois. Млекото од крава има на пример 5% масти, додека млекото од фока има дури 50% масти.

Човечкото млеко би можело да го забави процесот на развој на тигрите. Не добиваат на тежина колку би требало, а и постои опасност дека таквиот вид на исхрана ќе влијае на однесувањето во иднина.