Стјуардесите на хонгконгшката компанија Cathay Pacific се закануваат со ускратување на пијалоците и насмевките наменети за патниците ако не добијат зголемување на платите.

Летачкиот персонал на Cathay договорил „бел штрајк“ за време на божиќните празници, поради неисполнување на барањето за зголемување на платата.

Синдикатот на стјуардесите и стјуардите најавил селективен избор на услуги за време на штрајкот.

Би можело да се случи на патниците да им бидат скратени насмевките, пијалаците и оброците, рече главниот адвокат на компанијата.

Летачкиот персонал бара пет проценти зголемување на платата, а Cathay нуди два проценти за следната 2013 година.