Независниот пратеник во Бугарија, Кирил Гумнеров, предложил воведување на хемиска кастрација за педофилите во Бугарија.

Според неговите зборови, во ЕУ постои директива со која се забранува казна „која им штети на човечките органи“.

„Поради тоа предлагам кастрацијата да се врши со помош на инјекција која се дава на два до три месеци и го намалува нивото на хормони, односно сексуалната желба“, појасни Гумнеров, кој неодамна ја формираше коалицијата „Не ЕУ“.

Тој потсети дека Шведска е првата држава на светот која воведе хемиска кастрација, дека во Франција за тоа се води дебата, дека во САД по првото силување имаат право да избираат меѓу хемиска кастрација и затвор, додека во Русија е задолжителна.