Последниве денови кружат муабети дека Аркан не е убиен пред девет години. Слични информации објавиле холандските и грчките медиуми, а својот дел од приказната го додале и српските медиуми. Тие пишуваат дека Аркан живеел во Амстердам и Кипар, а патувал и низ Европа и САД.

Белградските медиуми се повикуваат и на некои белгиски полицајци и затворски чувари кои Аркан го знаат од 70-тите години, додека се бавел со грабежи во западна Европа. Холандската и Кипарската полиција не потврдиле дека Аркан е жив, но повикуваат на публицистот Job Hansen, автор на книгата за српската мафија, во која се наведува дека "постојат сериозни индиции дека Аркан живее во Амстердам".

Аркан беше убиен пред девет години во престрелка пред хотелот "Интерконтинентал" во Белград. Тој умре во рацете на неговата сопруга Светлана Ражнатовиќ, позната како Цеца. Неколку дена подоцна беше закопан во Белград. Но, којзнае, можеби тоа беше само лажен закоп.