Миланската полиција трага по мароканската егзотична танчерка Руби, затоа што не се одзива на повикот на судот за секс аферата со поранешниот премиер.

Карима Ел Махроуг требаше вчера да сведочи на судот, но не се појавила и не понудила валидно оправдување за изостанокот, кажа обвинителката Илда Бокасини.

Нејзината адвокатка кажала дека не знае каде се наоѓа нејзината клиентка.

Бокасини ги обвини адвокатите на Берлускони дека намерно го одолговлечуваат процесот во кој бившиот премиер е обвинет за плаќање на сексуален однос додека Руби уште била малолетна.

Адвокатот на Берлускони, Николо Гедини тврди дека тужителите настојуваат да го забрзаат донесувањето на пресудата пред изборите, пишува италијанскиот печат.