Велма, 51 годишна Лондончанка, поминува и до 18 часа дневно во импровизиран кафез кој ја штити од електромагнетните полиња на кои е алергична.

Велма боледува од синдром на електромагнетна хиперчувствителност поради која секогаш кога ќе доближи до телевизор, компјутер, мобилен и останати технолошки предмети чувствува силна болка. Главоболка, губење на слухот, забрзана работа на срцето, па дури и губење на сеќавањето се само некои од симптомите со кои Велма мора да се носи штом ќе излезе од својот кафез.

Од овој несекојдневнен синдром Велма заболела во тинејџерските години кога доживеала струен удар во допир со штекерот во бањата. Во помладите денови болките биле помали од причина што технологијата не била толку развиена, па нејзиниот живот не се разликувал многу од оној на другите. Денеска, Велма поминува и до 18 часа дневно во 500 долари вреден кафез по низ кој електронските зрачења не можат да продрат. Читање, пишување и спиење е се што прави во него.

„Овој синдром ми го претвори животот во пекол“, вели Велма и истакнува дека повеќе нема социјален живот затоа што „времето кое можеш да го поминеш со жена која не може да отиде никаде и не може да прави нишо е многу кратко“. Со оглед на тоа дека технологијата брзо напредува секој ден, тешко е да се надеваме дека на несреќната Велма ја чекаат подобри денови.