Римокатоличкиот поглавар, папата Бенедикт XVI, вчера од германскиот произведувач на автомобили „Дајмлер“ доби свој нов папамобил - „мерцедес-бенц“ М класа SUV со посебни безбедносни карактеристики.

Германската компанија соопшти дека возилото е испорачано денеска во Ватикан и дека верниците ќе можат да го видат папата како се вози во него уште денеска, на прославата кај Шпанските скалила.

Новиот папамобил има далеку поголема купола што на папата му овозможува полесно качување и симнување од возилото, како и поудобно возење. Благодарение на широките стаклени панели и подоброто осветлување, папата ќе биде видлив за масата верници.

Во „Дајмлер“ наведуваат дека внатрешноста на белото возило е дизајнирана во облик на „престол“ со извезен грб на папата.

Меѓутоа, произведувачите на новиот папамобил одбиле да ги откријат деталите за безбедносната опрема на возилото.