Поранешен зависник од хероин со својата сопруга и кучето веќе 22 години живеат живот кој на многу луѓе им е незамислив...
62-годишниот Мигуел Рестрепо, неговата сопруга Мариа Гарсиа и нивното куче Блеки, живеат во канализација претворена во мала собичка од 6 квадратни метри и висина од 1,4 метри, во колумбискиот град Меделин.
"Живееме подобро од претседателот и неговата жена. Единствено имаме проблем кога паѓа дожд. Но, без оглед на се, среќни сме и мирни што имаме своја слобода", вели Мигуел. Но, нивната слобода би можела наскоро да биде прекината, бидејќи со оглед на тоа дека официјално се бездомници, може да бидат дислоцирани од просторот чиј сопственик е градот Меделин.
