Еден американски маѓионичар завршил во болница со изгореници на главата и вратот откако водителот му ја запалил косата насреде емисија.

Вејн Хачин бил гостин во телевизиско шоу во Доминиканската Република, а еден од водителите не предизвикан од ништо на неговата глава истурил запалива течност која во истиот момент вивнала во пламен. На Вејн главата буквално му горела, а во гасењето учествувала цела телевизиска екипа.

Откако си дошол при себе од шокот, илузионистот итно бил превезен во болницата каде што му се констатирани изгореници по главата, вратот и десната рака.

„Тоа не беше дел од претставата и не знам зошто така ме нападна. Се ме боли, но полека се опоравувам“, напишал Хачин на својот Facebook профил.

Водителот ја користел запаливата течност Aqua De Florida која во себе содржи најмалку 60% алкохол поради што може да пламне и без допир со оган, а на Карибите се користи како „света вода“ за истерување вештерки и лоши духови.