Иако приказната за Кристијан Греј е замислена и објавена како трилогија, авторката размислува за уште една книга.

Е. Л. Џејмс, која за само година дена стигна на листата на најпродавани и најуспешни автори, вели дека не е исклучено нејзиниот еротски серијал да добие уште еден дел.

Џејмс во интервју за Hollywood Reporter кажа дека фановите постојано ја прашуваат за продолжение на приказната за бизнисменот Кристијан и студентката Анастасија.

„Понекогаш ми е смешно, затоа што ме прашуваат - кога трилогијата ќе добие четврти дел? Па, тоа е трилогија, има само три книги! Но, не ја исклучувам можноста за пишување на уште една книга. Многумина ме молат за уште приказни од агол на Кристијан, и мислам дека таа идеја е интересна“, рече писателката.

Трилогијата за сега е продадена во 60 милиони примероци во 37 земји, доби бројни пародии и порно верзии, а во подготовка е и филмска адаптација.