Њујоршкиот полицаец Лари Депримо, чиј несебичен гест кон еден бездомник случајно го забележала една туристка, стана национален херој и интернет сензација.

Според пишувањето на New York Times, Депримо една ноќ патролирал по Тајмс Сквер кога здогледал еден бездомник кој босоног проси по улицата на многу ладно време.

Полицаецот исчезнал на неколку моменти за набргу да се врати со нови чизми и чорапи во рацете. Клекнал покрај сиротиот човек и му помогнал да ги облече.

Неговиот благороден гест не останал незабележан. Го фотографирала со својот мобилен телефон една жена од Аризона која случајно поминувала од таму. Фотографијата и ја пратила на Њујоршката полиција која ја поставила на својата Facebook страница.

Фотката стана инстантен хит и за кратко време е видена повеќе од 1,6 милиони пати и собрала повеќе од 325.000 лајкови.

Над илјада луѓе оставиле свој коментар, како оние во стилот дека полицаецот е „вистински официр и џентламен“.

„Надвор беше ужасно ладно. Нозете му беа модри. Јас на нозете имав два пара чорапи, а прстите и понатаму ми смрзнуваа“, рече 25 годишниот Депримо во изјава за New York Times.

Индетитетот на бездомникот е непознат, но според Депримо „тоа е најљубезниот човек кој некогаш го сретнал“.

Њујоршкиот полицаец раскажал дека лицето на бездомникот се озарило кога ги видел чизмите.

„Му предложив да одиме на кафе, но штом ги облече чизмите, продолжи по својот пат, а јас продолжив да патролирам“, кажа Депримо.