Рекордната количина на снег кој падна во Москва го промени авионскиот сообраќај и предизвика хаос на патиштата, а метеоролозите предвидуваат дека бурата ќе трае до петок наутро...
Од градското собрание изјавиле дека жителите на престолнината веќе половина век немаат видено поголем снег во ноември. Метеоролошката служба денес соопштила дека во последните 24 часа паднала третина од количината на снег која обично паѓа во текот на целиот ноември.
Висината на снегот изнесува 12 сантиметри, пренесува АР. Патиштата се пренатрупани, а околу 70 летови од најголемиот аеродром во Москва, "Domodedovo" ноќеска биле откажани. Денес сите три аеродроми работат нормално.
