Италијански професор по анатомија беше осуден од миланскиот суд на 8 месеци затвор затоа што убил два зајака пред учениците на час по анатомија, соопшти денеска италијанската асоцијација за заштита на животните (LAV)...

Учителот Карло Ранд, кој по професија е хирург во училницата на час по анатомија донел 4 зајака, од кои 2 биле мртви. Другите два не само што биле живи, но и постојано се обидувале да избегаат. За да ги скроти, професорот прво ги заклал, но очигледно - не сосема, и морал да ги "докрајчи", едниот со тупаница, а вториот со чекан, посочува (LAV).

"Ова се ужасни сцени, достојни за касапница, направени пред малолетници", додава организацијата. Учителот касап бил издаден од своите колеги и од учениците, кои присуствувале на "лекцијата по крвопролевање".